هدايابتشبه حبايبك

بعد اعتماد التصميم والدفع، التجهيز عادةً بياخد ٣–٧ أيام عمل، وبعدها الشحن داخل تركيا عادةً ١–٣ أيام عمل. بالمواسم المزدحمة متل رمضان ويوم المعلّم وبداية المدارس منكتبلك المدة بالزبط قبل الطلب.

بدك ياها لتاريخ معيّن؟ اكتبه بأول رسالة، وما منقبل الطلب إلا إذا كنّا متأكدين إنّو منلحق.

السعر بيعتمد على القطعة، والتقنية (قصّ بالـCricut أو طباعة)، وقدّيش التصميم خاص، والعدد. ابعتلنا الاسم والكتابة والعدد، ومنبعتلك السعر النهائي مع الشحن. وللتوزيعات بالجملة منجهّز عرض سعر خاص.

أكيد، دايماً. قبل ما نبلّش منبعتلك تصميم رقمي، ومنراجع سوا الأسماء والتاريخ واللون والمكان. التعديلات الصغيرة لحدّ تعديلين مجانية. وما منقصّ ولا منطبع قبل ما تقلّنا «موافق».

أكيد! خط عربي، اسم بالتركي، أو الاتنين سوا. ومنراجع الكتابة العربية والتشكيل كمان من عنّا.

القطع المخصّصة باسم أو تصميم خاص ما بيشملها حق الإرجاع حسب لائحة العقود عن بُعد بتركيا. لهيك منراجع الكتابة والتصميم معك قبل التنفيذ. وإذا صار غلط من عنّا (متلاً كتابة مختلفة عن التصميم المعتمد) منعيد تجهيز القطعة مجاناً.