خطوة بخطوةكيف بتطلب؟

بعد اعتماد التصميم والدفع، التجهيز عادةً بياخد ٣–٧ أيام عمل، وبعدها الشحن داخل تركيا عادةً ١–٣ أيام عمل. بالمواسم المزدحمة متل رمضان ويوم المعلّم وبداية المدارس منكتبلك المدة بالزبط قبل الطلب.

بدك ياها لتاريخ معيّن؟ اكتبه بأول رسالة، وما منقبل الطلب إلا إذا كنّا متأكدين إنّو منلحق.

السعر بيعتمد على القطعة، والتقنية (قصّ بالـCricut أو طباعة)، وقدّيش التصميم خاص، والعدد. ابعتلنا الاسم والكتابة والعدد، ومنبعتلك السعر النهائي مع الشحن. وللتوزيعات بالجملة منجهّز عرض سعر خاص.

بعد ما تعتمد التصميم منبعتلك معلومات الدفع برسالة، ولما يوصل الدفع منبلّش بالشغل. وبالتوزيعات الكبيرة فينا نبلّش بعربون.

وإذا بتحب، فيك تطلب وتدفع بالبطاقة من متجرنا على Etsy.

أكيد. كوب واحد أو توزيعات لمية شخص، كلهم بنفس الاهتمام.

قبل ما نبلّش بالتنفيذ أكيد. بس بعد القصّ أو الطباعة بتصير القطعة إلك وحدك، فما منقدر نلغيها.

أكيد، دايماً. قبل ما نبلّش منبعتلك تصميم رقمي، ومنراجع سوا الأسماء والتاريخ واللون والمكان. التعديلات الصغيرة لحدّ تعديلين مجانية. وما منقصّ ولا منطبع قبل ما تقلّنا «موافق».

منحب هالشي كتير! صورة، رسمة بإيدك، ألوان، أو حتى مجرّد إحساس… هي تصاميم «إلك وحدك»، ومنتفق على التفاصيل وسعر التصميم والمدة قبل ما نبلّش.

أكيد! خط عربي، اسم بالتركي، أو الاتنين سوا. ومنراجع الكتابة العربية والتشكيل كمان من عنّا.

الاستوديو لتاخد فكرة. ولأنو الشغل يدوي، ممكن تختلف درجة اللون أو مكان الكتابة شوي؛ والشكل النهائي بتشوفه بالتصميم اللي منبعتلك تعتمده.

لكل المدن داخل تركيا. حالياً ما منشحن لبرّا تركيا.

بتختلف حسب حجم الطرد والعدد. منكتبلك أجرة الشحن لحالها وبوضوح بعرض السعر، بلا مفاجآت.

أكيد. بنفس اليوم اللي منسلّم فيه الطرد للشحن منبعتلك رقم التتبّع.

منغلّف الأكواب والفناجين بطبقات حماية. وإذا وصلت مكسورة، ابعتلنا صورة الطرد والقطعة خلال ٤٨ ساعة من الاستلام، ومنجهّزلك وحدة جديدة ومنبعتها.

بيعتمد على نوع الطباعة أو التطبيق؛ ومنكتبلك طريقة العناية بكل قطعة وقت الطلب وجوّا الطرد. نصيحتنا العامة: غسيل باليد بإسفنجة ناعمة. والقطع اللي فيها ذهبي أو لمعة معدنية ما بتفوت عالمايكرويف.

القطع المخصّصة باسم أو تصميم خاص ما بيشملها حق الإرجاع حسب لائحة العقود عن بُعد بتركيا. لهيك منراجع الكتابة والتصميم معك قبل التنفيذ. وإذا صار غلط من عنّا (متلاً كتابة مختلفة عن التصميم المعتمد) منعيد تجهيز القطعة مجاناً.